Арыгінальныя і незвычайныя скульптуры і помнікі Беларусі. Частка 2

Беларускія гарады славяцца не толькі выдатнымі архітэктурнымі мясцінамі. Практычна ў кожным беларускім горадзе, нават самым невялікім, можна знайсці цікавыя скульптурныя кампазіцыі. І гэта не прывычныя класічныя помнікі Леніну на плошчах. Не, сучасныя скульптуры і помнікі Беларусі — гэта арыгінальныя арт-аб'екты, унікальныя і са сваёй канцэпцыяй.

ф

Фота

«Ну, пачакай!» (г. Ваўкавыск, Гродзенская вобласць)

На АЗС «Беларуснафта» па дарозе да горада Ваўкавыску можна ўбачыць пацешную скульптурную кампазіцыю з героямі любімага мільёнамі людзей савецкага мультфільма «Ну, пачакай!». З'явілася яна тут у 2012 годзе і адразу стала яркай мясцовай славутасцю. Бронзавая кампазіцыя складаецца з зайца, воўка на матацыкле і заправачнай калонкі. Са скульптурай з задавальненнем усе фатаграфуюцца. Характэрна, што воўк з'яўляецца сімвалам Ваўкавыска і яго выява ўпрыгожвае гарадскі герб.

«Гулівер у краіне ліліпутаў» (г. Орша, Віцебская вобласць)

У дзіцячым парку забаў горада Оршы можна сустрэць шмат казачных скульптур. Тут можна знайсці і Ката ў ботах, і вясёлага Нязнайку, і кракадзіла Гену з Чабурашкай, і гномаў. Але самым выдатным экспанатам парку з'яўляецца пяціметровая (!) фігура Гулівера з ліліпутам, які размясціўся на яго далоні.

ф

Фота

«Астраном» (г. Магілёў, вул. Ленінская)

Аршанскі Гулівер — не адзіная вялікая скульптура ў краіне. У 2004 годзе ў Магілёве на вуліцы Ленінскай з'явіўся адзіны ў свеце помнік астраному вышынёй амаль 7 метраў. Сёння ён стаў візітнай карткай горада. Аўтарам гэтай скульптуры выступіў знакаміты беларускі скульптар Уладзімір Жбанаў. Яго працы можна ўбачыць у цэнтры Мінска («Дама з сабачкам», «Дзяўчынка з парасонам», «Фатограф»). Аўтарскі стыль Жбанава адгадваецца ў скульптуры адразу. Скульптура ўяўляе сабой астранома, які сядзіць на высокім крэсле і паказвае пальцам на неба. Каля яго знаходзіцца чатырохметровы тэлескоп, які днём служыць стрэлкай сонечнага гадзінніка. Астралагічны цыферблат прадстаўлены 12-ю каванымі крэсламі — па адным на кожны знак задыяку. А ўначы ў тэлескопе ўключаецца магутны пражэктар, святло якога можна ўбачыць нават з космасу.

Па гарадскім павер'і, калі сесці ў крэсла, якое адпавядае вашаму знаку задыяка і загадаць жаданне, яно абавязкова збудзецца. Жаданне таксама збудзецца, калі патрымаць астранома за палец.

ф

Фота

Помнік пасажырцы (г. Маладзечна, Мінская вобласць)

Каля цэнтральнага ўваходу чыгуначнага вакзала невялікага горада Маладзечна можна ўбачыць прыгожую бронзавую дзяўчыну, якая быццам толькі сышла з цягніка. Гэта скульптура студэнткі, якая вярнулася з вучобы ў родны горад. З'явілася яна ў 2011 годзе ў рамках святкавання штогадовага фестывалю «Дажынкі». Рост дзяўчыны вялікі — 196 см., важыць яна таксама нямала — амаль 450 кг. Дзяўчына вязе за сабой чамадан на колцах, на якім сядзіць кацяня. Скульптура вельмі папулярна сярод мясцовых жыхароў і гасцей горада: з ёй увесь час фатаграфуюцца, асабліва прадстаўнікі мужчынскага полу, якія не могуць не звярнуць увагу на эфектную постаць маладой бронзавай прыгажуні.