З нагоды тыдня роднай мовы працягваем ўзгадваць пераможцаў намінацыі «Расказ аб малой Радзіме» нашага штогодняга турыстычнага конкурсу «Пазнай Беларусь» і сёння запрашаем вас у наступнае вершаванае беларускамоўнае падарожжа:
– Хто дараваў вам неба
І гэты кут зямлі?..
– Сам Бог. Бо меў патрэбу,
Каб у шчасці мы жылі.
Жытнёвыя палеткі,
Лугі і сенажаць.
Тут сцежкамі маленства
Бягу, каб час нагнаць.
Адсюль бярэ пачатак
Зямлі маёй быццё.
Тут кожнае імгненне
Гісторыі біццё:
У Дзісне Язэп Драздовіч
Вучобу распачаў,
Святым нябёс навекі
Канстанцін Жданаў стаў.
Адсюль Ігнат Буйніцкі
Тэатру даў жыццё.
Сенатар Багдановіч
Тут здзейсніў адкрыццё.
Пісьменнік Грын, рамантык,
Шэдэўры тут ствараў.
А Патрыярх, сам Ціхан,
Храм службай акармляў...
Мне мрояй пах ранетак
У дзядулевым садку,
Я на пароме вольна
Пераплыву раку.
Вадзіца срэбрам гладзі
Адлюстравала высь…
За ўсё, чым ёсць і буду,
Паклон маёй зямлі.
Хай будзе край мой слаўны!
Хай гора абміне!..
Я гімн пяю Радзіме!
Я гімн пяю Дзісне!
Калі і ёсць дзе шчасце,
То шчасце тое тут –
Благаславёны Богам
Мой родны дзіўны кут!
Прохарава Ала, Наваполацк, ганаровая грамата
